Maibilang latta a nasayaat ti relasion ti Pilipinas ken China iti baet ti isyu ti teritoryo a sangsangoen ti dua a pagilian.
Daytoy ti pinasingkedan ni Palace Press Officer Atty. Claire Castro.
Impaganetget ti opisial nga ipatpatungpal laeng ni Defense Secretary Gilberto Teodoro iti mandato na kasta met dagiti ar-aramiden dagiti opisial ti China.
Innayon ni Castro a saan a kaanuman a naaddaan ti tension ti dua a pagilian gapu laeng dagiti mensahe ti defense secretary.
Kabayatanna, pinasingkedan ti Malakanyang a masapul nga idalan iti diplomatiko a wagas ti pannakilangen ti Pilipinas iti China, kangrunaan iti patangan ti West Philippine Sea.
Segun ken ni Palace Press Officer Atty. Claire Castro, direktiba ni Presidente Ferdinand Marcos Jr. nga ilaban ti pagilian dagiti karbengan ken interes na iti nakappia a wagas.
Innayon ni Castro nga awan ti ar-aramiden a provocation, aggression wenno panangbutbuteng ti Pilipinas iti aniaman a teritoryo.
