Agdama nga ad-adalen ti Department of Justice ti reklamo a naipila kontra kada dati a senador Bong Revilla ken dati nga Ako Bicol Partylist Representative Zaldy Co mainaig iti maanomalya a flood control projects.
Segun ken ni DOJ Spokesperson Atty. Polo Martinez, under review pay laeng iti agdama ti Division chief ngem awan ti eksakto nga aldaw no kaano daytoy a mairuar.
Ni Co ket sumangsango iti reklamo a plunder ken napilaan met ti malversation ni Revilla nga adda pakainaigan na iti kontrobersial flood control projects iti salinong ti SYMS Construction Trading.
Pinasingkedan ni Martinez a ti kaso ni Co ket ibasar ti prosecutors a mangig-iggem ti kaso iti agbalin a resolusion manipud ti ebidensia nga impasa ti National Bureau of Investigation nga isu ti nangipila ti reklamo.
