VIGAN CITY – Imimbestigaranen dagiti otoridad ti video a mangipakpakita a maysa a pusa ti mapapati a naipakan ti maysa nga uleg iti zoo idiay Masbate City.
Ti nasao a video ket nakaawat ti adu a negatibo a reaksyon ta makita ti pusa iti uneg ti enclosure iti uleg isu a patien dagiti viewers a ti pusa ket naipakan iti uleg.
Kas tignay ket insayangkat ti Masbate City local government kaduada ti Provincial Veterinarian ken Provincial Agriculture Office ti ocular inspections.
Nupay kasta ket pinaglibakan ti akin-kukua ti zoo a ni Fructosa Perez iti nasao nga alegasyon ket kinunana nga impan laeng ti maysa a bisita ti nasao a pusa iti enclosure tapno i-content.
Numan bilang mapaneknekan a naipakan ti pusa iti uleg ket sumango ti kaso dagiti responsable iti salinong ti Animal Welfare Act.
