Impasigurado ti Philippine Sports Commission a nakasaganan dagiti Pinoy athletes ken ti panangawatda iti pinansial a suporta iti isasabakda iti Paris Olympics idiay Paris, France
Iti pannaki-uman ti Bombo Radyo Vigan ken ni PSC Commissioner Matthew “Fritz” Gaston, awan parikut iti pinansial a suporta a maaw-awat dagiti atleta iti panagturongda idiay France ta umaboten iti dua milion a pisos ti naipaay kadakuada baben iti inaramid a fund raising ti komisyon, malaksid pay ti impaay dagiti senador kas kada Senador Bong Go ken Senador Pia Cayetano.
Malaksid dayta, awan ti nasken a pakadanagan no maipanggep iti sitwasyonda idiay France ta nabara ti pannakapasangbayda.
Mensahe ti PSC kadagiti atleta nga ipakatda amin a kabaelanda tapno makayawid ti medalya a pakaidayawan ti sibubukel a pagilian.
