Nangbukel ti National Bureau of Investigation ti “Task Force Cash Cow” tapno imbestigaran ti maipagarup nga irregularidad a pakairamanan ti binilyon a piso a naiyakar iti pribado nga organizing body ti 2019 Southeast Asian Games.
Pinasingkedan ni NBI Director Melvin Matibag a basar iti pakpakauna a dokumento a naala ti ahensia, nasurok-kumurang P6.7 bilyon a pondo ti gobierno manipud iti Department of Budget and Management, Philippine Sports Commission ken Philippine Olympic Committee ti naiyakar iti Philippine Southeast Asian Games Organizing Committee o PHISGOC.
Sakop ti imbestigasion dagiti infrastructure project nga adda pakainaiganna iti panag-host ti Pilipinas iti regional sporting event.
Nagkiddaw pay ti NBI ti tulong iti Commission on Audit, Securities and Exchange Commission ken Bureau of Internal Revenue tapno beripikaen dagiti immuna a natakuatan.
