Nagpanawagan ni Senador Joel Villanueva iti Senado nga ammoen no makadanon met laeng kadagiti national athlete iti husto a panawen ti suporta manipud kadagiti national sports association.
Segun ken ni Villanueva, adda dagiti atleta a naipadamag a maipagarup nga awan ti allowance da manipud pay idi Hulyo ken napilitan da nga agutang tapno makadar-ay iti training.
Iti salinong ti 2026 General Appropriations Act, adda P110.43 milyon ti Philippine Sports Commission para iti panagsagana, training ken panagdar-ay dagiti atleta kadagiti international competition, pakairamanan ti 2026 Asian Games.
Impaganetget ni Villanueva a saan a masapul a medalya ti agbarin a rugi ti suporta kadagiti atleta, masapul kuma a suporta nga umuna sakbay a magun-od ti medalya.
