--Ads--
Napintas ti panangrugi ti kampania ti Team Pilipinas Men’s 3×3 kalpasan nga inabakda ti Sri Lanka iti score a 21-12 iti Round Robin Pool A ti 2026 Asian Games.
Indaulwan ti Pilipinas ti opensa babaen ken ni Nicael Cabanero a nakairekord iti walo a puntos ken innem a rebounds, idinto a sag-innem a puntos met ti naitulong da Manuel Pablo ken ni Koji Buenaflor.
Iti met biang ti Sri Lanka, nagbalin a leading ni Methika Jayasinghe nga adda innem a puntosna ken uppat a rebounds.
Umabot laeng iti pito a minutos ken 12 a segundo ti ay-ayam sakbay a magun-od ti Pilipinas ti 21-point target.
-- ADVERTISEMENT --
Sumaruno a makasango ti Men’s 3×3 squad ti Kazakhstan inton bigat, iti alas 12:15 iti aldaw, oras iti Pilipinas.
