--Ads--
Imbutaktak ni Davao City 1st District Rep. Paolo Duterte a maipagarup nga addan inruar nga arrest warrants ti International Criminal Court kontra ken ni Senador Bong Go ken dua pay a dati a pulis.
Segun ken ni Duterte, naggapu iti maysa nga “highly reliable source” ti impormasion ngem awan pay ti opisial a kumpirmasion manuipud iti ICC.
Gapu daytoy ket kwinestiyon ti agpampanday linteg ti maibagbaga a panagaramat iti ICC kas political weapon kontra kadagiti kalaban ti administrasion iti politika.
Maipalagip nga immuna nga impaganetget ni dati a senador Antonio Trillanes IV a posible a target ti ICC ni Go kas maipagarup a co-perpetrators ni dati a Presidente Rodrigo Duterte mainaig iti nadara a war on drugs.
-- ADVERTISEMENT --
