Imbutaktak ni dati a Department of Public Works and Highways (DPWH) Secretary Manuel Bonoan iti panagdenggeg iti Sandiganbayan 3rd Division ita nga aldaw iti malversation case ni dati a Sen. Bong Revilla a nagipasa kenkuana ni dati a DPWH Usec. Roberto Bernardo iti listaan ti proposed infrastructure projects da Sen. Bong Go ken Sen. Robin Padilla tapno maka-avail ti leadership fund idi 2025.
Ti leadership fund idi 2025 ket mapapati a paset ti pondo ti DPWH a naited tapno pondoan dagiti proposed priority project dagiti senador tapno maisingit iti National Expenditure Program (NEP) ken mapapati nga awan ti dakesna nga aramaten dayta malaksid laeng no maaddaan ti kickback scheme iti nasao a pondo.
Nakaawat ti P500 million minimum dagiti senador idinto a P1 billion met para kadagiti chairperson iti major committees, kas ti public works ken finance, maibasar iti judicial affidavit ni Bonoan.
Segun ken ni Bonoan, awan ti pormal a proseso ken awan pay ti mapapati a letter request a kasapulan nga ipasa iti panag-avail iti leadership fund.
Mapapati a ti laeng kasapulan ket listaan iti aniaman a format, dagiti priority projects dagiti senador nga ag-avail iti leadership fund.
