Pinagkedkedan ni Private Prosecutor Atty. Amando Ligutan ti wagas ti cross-examination ni Defense Counsel Atty. Carlo Narvasa iti maikatlo nga aldaw ti impeachment trial ni Vice President Sara Duterte.
Saan nga immanamong ni Atty. Ligutan kalpasan a rinugyan a saludsuden ni Atty. Narvasa ti testigo a ni NBI Cybercrime Division Senior Agent John Mark Calilung mainaig iti nakaipalaon ti maysa nga investigation affidavit idi Pebrero 10, 2025 mainaig iti grave threats complaint kontra iti bise presidente.
Pinasingkedan ni Ligutan a saan a makasungbat a nalaing ken patas ti testigo no saan pay nga umuna nga ipakita wenno ited kaniana ti pisikal a kopya ti affidavit.
Iti baet ti agsasaruno a panag-obserba ken pananglapped ni Atty. Ligutan iti linya ti panagsaludsod ni Atty. Narvasa iti testigo, napansin ni Presiding Officer Francis “Chiz” Escudero ti kasla ‘frustrated” ti counsel ti prosecution.
