Pinasingkedan ni Mamamayang Liberal Partylist Representative Leila de Lima a masapul a padarasen ti panangpatibker ti gakat na nga ibalud iti agingga 20 a tawen dagiti mangdurog dagiti testigo nga agsalawasaw iti korte.
Segun ken ni De Lima, nalawag a ti panagsalawasaw iti korte ket panangdadael iti integridad ti justice system ti pagilian.
Inaramid ti agpampanday linteg ti statement iti baet ti alegasion ni dati a Marine a ni Orly Guteza a da Senador Rodante Marcoleta ken dati nga Anakalusugan party-list Rep. Mike Defensor ti nangdurog kenkuana nga agsalawasaw.
Mainaig daytoy ti binasa ni Guteza nga affidavit na iti Blue Ribbon Committee no sadino innaganan na ni dati nga Speaker Martin Romualdez a nangipatulodan na ti naka-maleta a kuwarta ngem imbabawi na testimonia na ken intudo na da Marcoleta ken Defensor nga adda iti likudan na daytoy.
Gapu daytoy, masapul nga i-priyoridad ti Kongreso ti House Bill No 1435 wenno “Criminalizing Subornation of Perjury Act” tapno dusaen, saan laeng a ti testigo a nagsalawasaw iti korte ngem uray pay dagiti adda iti likudan na ti peke a testigo.
