Imbabawi ni dati a suldado ken dati a security aide ni former Ako Bicol Partylist Representative Zaldy Co a ni Orly Guteza ti testimonia na a maipagarup a nangipatulod isuna ti naka-maleta a kuwarta iti pagtanegan ni dati nga House Speaker Martin Romualdez.
Iti baro nga affidavit ni Guteza, pinasingkedan na a napilit laeng isuna nga ibaga a nangipatulod isuna ti kuwarta ken ni Romualdez kasukat ti maipagarup a kuwarta ken scholarship para kadagiti anak-na.
Segun ken ni Guteza, maipagarup a pinapan isuna ti maysa a Japanese restaurant, asideg iti Senado da Senator Rodante Marcoleta ken dati nga AnaKalusugan Party list Rep. Mike Defensor no sadino agur-uray ti maysa a naisagana nga affidavit.
Impaganetget na a ti draft ti binasa na nga affidavit ket maipagarup nga inaramid ti manigang ti Defensor a dinakamat na laengen it nagan a “Mark”.
Innayon pay ni Guteza a nakita na a mismo no kasano nga imbasa ken sinimpa ni Marcoleta ti draft ti affidavit.
Maipalagip nga idi Setyembre 25, 2025, nagbalin a surprise witness ni Guteza iti Senate Blue Ribbon Committee hearing nga indauloan idi ni senador Marcoleta.
