Nangiyetnag ni Presiding Officer Francis “Chiz” Escudero iti nainget a pakdaar kontra iti panagusar iti social media tapno mapagsasaritaan wenno maimpluensiaan ti agtultuloy nga impeachment trial kontra ken ni Vice President Sara Duterte.
Dinakamat ni Escudero ti online post ni Atty. Virgil Ligutan idi Agosto 12, 2026, a nangdiskusion iti mapapati a pannakausar dagiti makaallilaw a saludsod iti cross-examination.
Impaganetget na a saan kuma nga usaren dagiti balikas a kas iti “scam” ken “scammer” iti trial a mabalin a mangapektar iti pangkita ti publiko ti kaso.
Segun kenni Escudero, nupay silulukat ti impeachment court iti publiko, saanna nga ipalubos ti makunkuna a “trial by publicity.”
Impakdaarna a mabalin a maipakat ti nadagdagsen a dusa no madoble dagiti kastoy a panaglabsing, saan laeng a ken ni Ligutan no di pay ket iti prosecution team, defense counsel ken senator-judges.
