--Ads--
Kitkitaen ti House prosecution panel ni dati a Department of Education (DepEd) Assistant Secretary ken spokesperson Atty. Michael Poa kas hostile witness iti impeachment trial ni Vice President Sara Duterte.
Segun ken ni House trial spokesperson Rep. Zia Alonto Adiong, napateg a testigo ni Poa iti isyu ti confidential funds ti DepEd idi secretary pay laeng ni VP Sara.
Maipagrup a ni Atty. Poa ti maysa kadagiti opisial a sumungsungbat iti Audit Observation Memoranda (AOM) ti Commission on Audit (COA) mainaig ti panagaramat ti confidential funds ti DepEd.
Pinasingkedan ni Adiong a mabalin a makatulong ti testimonia ni Poa tapno maipalawag no kasano a sinango ti DepEd dagiti audit findings ken dokumento mainaig ti pondo.
-- ADVERTISEMENT --
