Nakatuding nga ipasango ti House Prosecution panel ita a lawas iti Senate impeachment court dagiti nabatbati a testigo mainaig ti maipagarup a madi a panagaramat ni Vice President Sara Duterte ti confidential funds.
Idi napan a lawas, inaprobaran ti Senate impeachment court ti panagiruar ti subpoena para kada dati a Department of Education (DepEd) special disbursing officer (SDO) Edward Fajarda ken ti asawa na a ni DepEd Assistant Secretary Sunshine Charry Fajarda, Philippine Statistics Authority (PSA) Assistant National Statistician Marizza Grande, Police Maj. Jovelyn Magay, ken Commission on Audit’s (COA) Bresilio Sabaldan.
Nabilin isuda a tumestigo iti korte ita nga aldaw, Setyembre 7 kasta pay inton 8 ken 9.
Pinasingkedan ni House lead prosecutor ken Batangas Rep. Gerville Luistro a nakatuding a leppasen ti prosecution panel ti presentasion ti ebidensia iti Article I no sadino naakusaran ni VP Sara ti culpable violation of the Constitution, graft and corruption, ken betrayal of public trust.
