--Ads--
Target ti Department of Education a maikkan ti promotion ti umabot 100, 000 a mangisursuro ken school heads sakbay a malpas ti agdama a tawen.
Daytoy ket paset iti napalawa a suporta ken reporma para iti sektor ti edukasion iti pagilian.
Impakaammo daytoy ti ahensia kagiddan ti panagleppas ti School Year 2025-2026 ken ti opisial a panangrugi ti maysa a bulan a bakasion dagiti mangisursuro.
Segun ti DepEd, target da a mapasamak daytoy iti salinong ti Expanded Career Progression System a gagemna a mangted ti nalawag ken napardas a proseso ti promotion para kadagiti educator.
-- ADVERTISEMENT --
Kalaksidan ti promotion, impasigurado pay ti ahensia ti panangpalag-an dagiti parikut dagiti mangisursuro iti pagadalan.
