VIGAN CITY – Dakkel a tulong para kadagiti agad-adal ita a covid-19 pandemic ti maipapatungpal a Project Tawid dagiti Sanguniang Kabataan iti ili ti Caoayan kas pinasingkedan ni SK Federated President Russel Ancheta Quidulit.
Iti pannaki-uman ti Bombo Radyo Vigan ken ni Quidulit, ti nasao a proyekto ket addaan iti libre nga access iti computer, printing of modules ken assignments, books, wifi, photo copy kadagiti agad-adal kasta pay nga adda iti libre a kape ken kanen para kadagiti sk officials a naiyuswat idi September 18.
Saanda a ninamnama nga adu iti napan nga agad-adal iti kabataan center para kadagiti kasapulanda iti panagadal ngem agingga duapulo laeng iti maakomodarda ta sursurutenda iti health protocols a maipapatungpal.
Kabayatanna, pakaragsakanna a makatulongda ita a pandemia ken nakasaganada a mangipaay ti pagkasapulan iti biang ti edukasyon.
