Inallukoy ni Senador Migz Zubiri dagiti pribado a sektor a padasen nga agpuonan iti biang ti turismo.
Patien ni Zubiri a dakkel ti maitulong iti panag-invest ti private sector iti turismo tapno agbalin a competitive iti Pilipinas iti Southeast Asia.
Iti panagdenggeg ti Senate Committee on Economic Affairs, rimmuar ti nakaru nga epekto iti sektor kangrunaan ti pagkurangan dagiti imprastraktura, brownout ken pagkurangan ti suplay iti danum.
Segun ni Zubiri, nupay napimpintas dagiti beach ken pagpasyaran iti pagilian nu yarig kadagiti dadduma a pagilian iti Southeast Asia ket maabak latta iti Pilipnas nu maipanggep ti airport, suplay iti kuryente, public transport ken internet connectivity.
Iti rekord idi 2023, umuna ti Thailand iti kapintasan ti foreign tourist ta umabot ti 28 million, simmaruno idiay Malaysia a 20 million, Singapore a 13.6 million, Vietnam a 12.6 million, Indonesia nga 11.7 million, Cambodia a 5.5 million ken maudi iti Pilipinas a 5.4 million foreign visitors.
