Ininspeksyon ni Presidente Ferdinand Marcos Jr ti Barihan Elementary School ken Tibagan Elementary School idiay Bulacan kas paset iti panangrugi ti National Schools Maintenance Week ti Department of Education para iti Balik-Eskwela 2025.
Segun ken ni DepEd Sec. Sonny Angara, napili ti presidente ti nasao a pagadalan ta tut-tutukanna dagiti pagadalan a talaga nga agkasapulan.
Immunan nga ininspeksyon ni Presidente Marcos ti panagsagsagana nga inaramid ti nasao a pagadalan idiay Malolos, Bulacan kangrunaan ti 22 a tablets ken maysa a laptop nga aramaten dagiti agad-adal inton panagseserrek.
Mismo a ni President Marcos ti nangikabil iti blackboard iti maysa a classroom kaduana ni Angara ken ni Presidential Son William Vincent Marcos.
Nangibati pay iti mensahe kadagiti agad-adal nga agsubli iti pagadalan nga agbasada a nalaing.
