--Ads--
Agbiahe a mapan ni Presidente Ferdinand Marcos Jr idiay Japan inton bigat para iti 4 nga aldaw nga state visit-na inton Mayo 26-29, 2026.
Segun ken ni Department of Foreign Affairs Spokesperson Analyn Ratonel, makitaripnong ti presidente ken ni Japanese Prime Minister Sanae Takaichi mainaig iti panagbinnulig ti Japan ken Pilipinas iti seguridad, maritime and defense, ekonomia, energy resilience, decarbonization, ken dadduma pay nga isyu.
Manamnama pay a mapagpatangan dagiti isyu ti regional ken global a makaapektar iti ASEAN.
Kadua ti presidente iti state visit ni First Lady Liza Araneta-Marcos ken sumagmamano a miembro ti gabinete.
-- ADVERTISEMENT --
Maaddaan pay iti gundaway ti first couple a makasango da Emperor Naruhito ken Empress Masako sa Imperial Palace.
