--Ads--
Impasigurado ni Presidente Ferdinand Marcos Jr ti suporta ti gobierno para iti sports iti Pilipinas kagiddan ti panangrugi ti 2026 Palarong Pambansa idiay Agusan del Sur, babaen iti panangpabileg kadagiti school sports club ken panangpalawa kadagiti oportunidad iti ay-ayam.
Segun ken ni Marcos, saan laeng a pisikal a pigsa ti mamuli iti sports no di ket disiplina, teamwork, respeto, anus, ken talek iti bagi ti agtutubo.
Ti Palaro ita a tawen ket adda temana nga “Unlocking the Future Through Sports”, dinar-ayan dagiti delegado manipud iti 18 a rehion, agraman dagiti mangibagi iti National Academy of Sports ken Philippine Sports Overseas.
Agpaot iti walo nga aldaw ti multi-sports event manipud Mayo 24 agingga Mayo 31.
-- ADVERTISEMENT --
