Imbilin ni President Ferdinand Marcos Jr., kadagiti ahensia ti gobierno a naan-anay nga ipatungpalda dagiti implementing rules and regulations (IRR) ti Magna Carta of Filipino Seafarers, tapno masigurado nga umawat dagiti Filipino seafarers iti naan-anay a benepisio ti linteg.
Mangipasdek ti IRR kadagiti one-stop shops tapno mapasayaat dagiti serbisio, masigurado ti patas a medical treatment ken legal aid, maprotektaran dagiti babbai iti maritime industry, ken mangikeddeng kadagiti nalawag nga employment standards pakairaman ti fair wages ken benefits.
Imandato pay ti linteg ti seafarer membership ti social protection programs.
Impaganetget ti Presidente ti kinapateg ti pannakaikabil dagiti Filipino seafarers iti advanced training tapno agtalinaed a competitive da iti sangalubongan.
