Saanen a dumar-ay ni President Ferdinand Marcos Jr. ken First Lady Liza Araneta Marcos iti United Nations General Assembly (UNGA) idiay Amerika inton sumaruno a lawas.
Nakaituding koma nga agbiahe idiay New York, USA ti first couple inton September 19 para iti High Level Week Debate iti UNGA agingga September 26.
Ti UNGA ket tinawen nga assembly iti agduduma a pagilian a pakipasetan iti agduduma a lider iti lubong tapno pagpapatangan ti international field.
Immunan a kinuna ni Philippine Ambassador to the United States Jose Manuel Romualdez a napateg ti presensya ni Pres. Marcos iti UNGA para iti gagem ti Pilipinas a magun-od iti maysa a non-permanent seas iti United Nations Security Council (UNSC).
Kabayatanna, saanen a sinarita iti Malakanyang ti rason nu apay a nakanselar ti biahe ni Pres. Marcos.
