Nagpanawagan manen ti pamilia ni Mary Jane Veloso ken ni Pres. Ferdinand Marcos Jr. nga ipaayan ti clemency ti nakaibalud a ni Mary Jane gapu ti drug trafficking.
Impaganetget ti ina ni Mary Jane a ni Celia Veloso a nabayagen a naibalud ti anakna ken ammoda met a biktima laeng isuna isu a mangnamnamada a maipaay ti clemency sakbay iti paskua tapno agkakaduadan a pamilia.
Immapela pay ti nagannak ni Mary Jane iti Korte Suprema a darasen iti panangsolbar ti naipila a kaso kontra kadagiti rinecruit-na.
Maipalagip nga impila ni Veloso ti human trafficking, illegal recruitment ken estafa kontra kadagiti illegal recruiter a da Maria Cristina Sergio ken Julius Lacanilao.
Kinuna met ti National Union of People’s Lawyers a kiniddawdan iti korte a mangngeddeng iti mosyon tapno maituloy dagiti kaso.
Maipalagip a kalpasan iti sangapulo ket lima a tawen a pannakaibalud idiay Indonesia ket impalubos iti gobierno iti nasao a pagilian nga yakar iti kustodiya ni Veloso iti Pilipinas idi December 2024, ket impatangken ni Veloso nga inosente isuna kadagiti maipabpabasol kenkuana.
