Impakaammo ni President Ferdinand Marcos Jr. ti pannakaiwaras ti cash assistance ken fuel subsidies para iti public utility vehicle drivers, farmers ken fisherfolk tapno makissayan ti epekto ti panagpangato iti presyo iti langis gapu iti rinnupak idiay Middle East.
Segun ken ni Marcos, rugian ita nga aldaw ti Department of Social Welfare and Development (DSWD) iti pannakaiwaras iti P5,000 cash doles kadagiti 139,000 tricycle drives iti 17 local government units idiay National Capital Region (NCR).
Kinunana a dagiti tricycle driver iti ruar iti Metro Manila, transport network vehicle service (TNVS), ken jeepney drivers ket makaawat tii P5,000 cash assistance iti sumarsaruno nga aldaw.
Pinasingkedan ti presidente nga inton maudi a lawas iti Marso ket iruar iti DOTr ti fuel subsidy.
Tapno masigurado ti food supply, kinuna ti presidente a mairuar ti fuel subsidy para iti 26,000 a mannalon ket inton March 19, maiwaras met iti P3,000 fuel subsidy kadagiti 26,000 a mangngalap.
