Kayat nga ipa-blacklist ni Pres. Ferdinand Marcos Jr. ti SYMS Construction Trading a contractor iti flood control projects idiay Barangay Piel, Baliuag, Bulacan.
Segun ken ni Pres. Marcos, malaksid iti panang-blacklist ket sumango ti kompania kadagiti kaso ti salinbong ti Revised Penal Code ken RA 3019 wenno Anti-Graft and Corrupt Practices Act.
Siguradoen ti presidente a saan a palabsen ti nasao nga anomalya ken siguradoena a masuspenso ken makasoan dagiti amin nga opisyal a karaman.
Sangwen dagiti naglabsing ti Anti-Graft and Corrupt Practices Act, malversation of public funds ken falsification of public documents.
Umabot iti P55 million ti imbayad iti gobierno para iti maysa a concrete river wall project idiay Barangay Piel ngem iti panag-inspect ti presidente ket awan ti naipatakder a pader wenno uray maysa laeng a hollow block.
Innayon ti presidente a saan pay a nakalista ti flood control projects iti Department of Public Works and Highways (DPWH) iti nasao a proyekto.
