Naka-high alert ti Philippine Red Cross kalpasan ti kellaat a panagngato ti aktibidad ti Bulkan Mayon.
Naaddaan ti lava collapse ti bulkan a nangitunda ti rockfall ken ashfall kadagiti ka-asideg na a lugar.
Sinaronoan daytoy ti Strombolian activity a nakairekord ti pyroclastic density currents iti Mi-isi Gully.
Kagiddan daytoy, naka-standby dagiti RC143 volunteers idiay Camalig, Guinobatan, Legazpi City, ken Daraga tapno mangted ti real-time a dokumentasion ken updates iti operations center.
Agtultuloy ti koordinasion ti PRC kadagiti lokal nga otoridad ken disaster response agencies tapno masigurado ti kinatalged dagiti residente iti Bicol.
Nagpakdaar pay ti PRC kadagiti komunidad a saan a sumrek kadagiti danger zone kangrunaan kadagiti pagayusan ti karayan ken gullies a posible a pagnaan a nadaras ti napudot a gas ken debris.
