Nailanad iti testimonia ni dati nga DepEd Undersecretary Michael Poa a ni Vice President Sara Duterte ken dagiti opisial a direkta nga akin-iggem iti P112.5 milyon confidential funds ti Department of Education (DepEd) laeng makin-ammo no kasano a naaramat ti pondo.
Pinasingkedan ni Poa nga awan ti personal nga ammona iti aktuwal a panaggastos ti confidential funds uray isu ti nabilin a sumungbat iti Audit Observation Memorandum (AOM) ti Commission on Audit (COA).
Binigbig ni Poa ni VP Sara ken dati nga DepEd Special Disbursing Officer Edward Fajarda kas tao nga adda ammo na iti panagaramat ti pondo.
Innayon pay ni Poa ni dati a DepEd security officer Col. Dennis Nolasco kalpasan a naammuan na iti House hearing idi 2024 a maipagarup nga inted ni Fajarda ti tallo a sag-P37.5 milyon release.
