Mangisayangkat ti comprehensive investigation ti Philippine National Police iti firearms regulation kalpasan a matakuatan ti posible a serial number duplication iti maysa kadagiti paltog a naaramat iti pammaltog iti San Jose National High School idiay Tacloban City.
Segun ken ni PNP chief Gen. Jose Melencio Nartatez Jr., gagem ti addang a maammuan dagiti pagkurangan iti sistema ti firearm registration ken permitting a mabalin a gundawayan dagiti kriminal.
Natakuatan dagiti imbestigador a ti .38 calibre revolver a naaramat iti insidente a nakatayan ti tallo nga estudyante ken nakadunoran ti saan a bumaba ti sangapulo ket adda kapada na a serial number iti maysa a paltog a nakarehistro idiay Bohol.
Kitkitaen ti PNP ti posible a naglabsingan ti maysa a security agency ken dadduma pay a nakalista iti firearm records, pakairamanan ti posible nga irregularidad iti registration, manufacturing, documentation ken record-keeping.
