Naka-heightened alert ti Philippine National Police mainaig iti manamnama a kilos protesta bayat a maisayangkat ti panagdengngeg ti International Criminal Court kontra ken ni dati a Presidente Rodrigo Duterte.
Segun ken ni PNP Cheif Jose Melencio Nartatez Jr., naikabilen iti heightened readiness ti amin a unit ti kapulisan ken agdama a mamon-monitor dagiti posible a darakkel a panagummong tapno masigurado ti kinaurnos ken seguridad ti publiko.
Imbilin ti PNP chief dagiti regional unit a mang-dutok ti Civil Disturbance Management teams ken siguradoen a naka-standby dagiti medical emergency responder.
Impaganetget ni Nartatez a maximum tolerance ti maipakat ngem imbilin na iti amin a kapulisan nga agtalinaed a professional ken liklikan iti aniaman a komprontasion ken suroten ti linteg.
Inton bigat, Pebrero 23 a rugyan ti ICC iti The Hague ti uppat nga aldaw a pre-trial confirmations of charges hearing kontra ken ni Duterte mainaig ti maipagarup a crimes against humanity nga adda pakainaiganna iti kampania kontra droga.
