--Ads--
Nagballag ti Philippine National Police nga ipatungpalda ti one-strike policy kontra iti indiscriminate firing ita a holiday season.
Asino man a matiliwan nga agpaputok iti paltogna nga awan ti rason ket dagus a madusa, nga awan ballaag wenno maikadua a gundaway.
Para kadagiti pulis nga aglabsing, mabalin nga agtungpal iti pannakaikkatda iti serbisio, kinaawan ti benepisio, ken permanente a diskwalipikasion kadagiti pampubliko a posision.
Nabilin pay dagiti commander a pagtalinaedenda ti disiplina kadagiti kamengda ken irelieve ti asino man a karaman bayat a maim-imbestigaran.
-- ADVERTISEMENT --
Inallukoy ti PNP ti publiko nga ireport dagiti insidente ken impaganetgetna ti kinatalged a nasken a maipangruna iti panangrambak iti Paskua ken Baro a Tawen.
