Kinumpirmaran dagiti otoridad a naabuso a sexual ti Slovak a babai a nasarakan a natay idiay Boracay Island idi March 12.
Ti resulta ti autopsy ti bangkay ni Michaela Michova, agtawen iti duapulo ket tallo ket nakita nga adda trauma manipod sexual abuse, pasa ken maysa a fatal blow iti ulona.
Naisayangkat ti medico-legal examination kalpasan ti maysa nga aldaw apaman a nasarakan ti bangkay iti abandonado a chapel idiay Zone 3, Sitio Pinaungon, Barangay Balabag, Boracay.
Immunan a naipakaamo a ti rason ti nakatayanna ket gapu iti pwersa a naitama iti ulona.
Nagsagaba pay ni Michova ti abrasion ken hematoma iti rupa, contusions iti tiyan, akin-kannigid a takyag ken sikona, abrasion iti akin-kannawa a takyag ken tumengna ken hematoma iti akin-kannigid a luppona.
Segun ken ni Brig. Gen. Jack Wanky a Western Visayas police chief, manarimaanen iti panag-imbestigar dagiti otoridad kadagiti uppat a suspek iti nasao a pammapatay.
