--Ads--
Idurduron ti Philippine National Police ti pannakadatag ti maymaysa a paggatangan dagiti palpalibang ken pyrotechnics iti kada siudad ken ili tapno masigurado ti kinatalged ti publiko iti panangrambak ti Baro a Tawen.
Segun ken ni PNP Chief PLT. General Jose Melencio Nartatez Jr., nabilin dagiti amin a police chief a makikammayet kadagiti lokal a gobierno tapno makita dagiti posible a lugar dagiti firecracker zone.
Innayon ni Nartatez a ti pannakaituding ti paggatangan ket makatulong tapno nadaras a mabantayan dagiti aglaklako ken maliklikan ti panagwaras ti iligal a palpalibang.
Makikammayet ti PNP iti Bureau of Fire Protection tapno mangituding kadagiti firetruck ken emergency responder a nakabantay no kas bilang adda pasamak.
-- ADVERTISEMENT --
