Impaganetget ni acting Philippine National Police (PNP) Chief PLt. Gen. Jose Melencio Nartatez Jr. nga awan iti maipatpatungpal a quota arrests iti biangda.
Kasaruno dayta iti panawagan ti detainee rights advocacy group a Kapatid nga ibabawi iti mapapati a pronouncement ni dati a PNP Chief Nicolas Torre III mainaig iti panagaramat iti kinaadu a makemmeg kas pagibasaran iti promosyon dagiti polis.
Segun ken ni Nartatez, nakabasar laeng iti listaan ken rekord ti bilinda.
Maipalagip nga idi Hunyo idi indauluan ni Torre ti PNP ken kinunana nga aramaten a pagibasran ti performance dagiti polis ti bilang dagiti nakemmegda.
Nagballaag met idi ti Commission on Human Rights (CHR) a mabalin nga agresulta dayta iti panagabuso ken panaglabsing iti karbengan iti tattao.
