24/7 ti panagbantay ken panagtulong ti Philippine National Police kadagiti lugar a maapektaran iti bagyo Uwan.
Daytoy pay ti nainget a pammilin ni Presidente Ferdinand Marcos Jr babaen iti pannarabay ti Department of the Interior and Local Government.
Segun ken ni Acting PNP Chief Police Lieutenant General Jose Melencio Nartatez Jr., makikamkammayetdan kadagiti lokal a gobierno ken disaster response team tapno masigurado a dagiti pamilia nga aggigyan kadagiti delikado a lugar ket maibkawit a nasapsapa.
Tumulong pay ti PNP iti panangpatalinaed iti kinaurnos, panangbantay kadagiti napateg a pasilidad, ken panangipasigurado a natalged dagiti dalan ken evacuation center.
Innayon ni Nartatez nga aktibon dagiti disaster response team ti PNP iti nadumaduma a rehion ken nagpanawagan iti panagkaykaysa, disiplina, ken kooperasion manipud iti publiko.
