--Ads--
Kinumpirmaran ti Department of Foreign Affairs ti pannakabitay ti maysa a Pilipino iti Saudi Arabia a nakapatay iti Saudi national.
Segun iti DFA, awan ti pakaammo ti Saudi authorities iti Philippine Embassy wenno kadagiti pamilia ti Pinoy sakbay a nabitay.
Nagkedked pay laeng ni DFA Usec for Migration Eduardo Jose de Vega a naganan ti nabitay a Pinoy gapu iti panangkiddaw ti pamiliana.
Mapapati a riri iti kuarta ti nagtaudan ti panangpapatay ti Pinoy iti Saudi national.
-- ADVERTISEMENT --
Inlawlawag met ti DFA nga impamuspusanda a maisalbar koma ti pannusa a pannakatay ti Pinoy ta karaman daytoy kadagiti apela ni Presidente Bongbong Marcos babaen iti panangipatulodda iti surat ken ni Saudi King Salman bin Abdulaziz Al Saud.
