Saan a karaman iti Pilipinas kadagiti pagilian nga inikkan ti Amerika ti 0% tariff rate para iti sumagmamano a produkto manipod iti ASEAN.
Maibasar iti pakaammo manipod Association of Southeast Asian Nations (ASEAN) Summit, dagiti pagilian a nairanud iti zero tariff ket Thailand, Malaysia ken Cambodia.
Karaman iti polisiya dagiti produkto kas ti aerospace equipment, agas, palm oil, cocoa ken rubber, dagiti produkto nga adda dati a taripana nga umabot iti 19%.
Gagem ti Amerika a padarasen ti trade ken panagserrek dagiti kritikal a produkto iti ASEAN market.
Inlawlawag ni Special Assistant to the President for Investment and Economic Affairs Frederick Go nga inggagara iti Pilipinas a saan a makipaset ti tulagan tapno masalakniban ti lokal nga industriya iti bagas, mais, asukat ken manok.
Kinunana a dua laeng a pagilian iti ASEAN ti pormal nga immawat ti zero-tariff deal kasukar iti panaglukat ti merkadoda para kadagiti produkto iti agricultural ken industrial iti Amerika.
