Target ti Pilipinas ken Australia nga agpirma iti baro a defense deal tapno ma-counter ti kumarkaru a tignay ti China iti West Philippine Sea.
Segun ken ni Defense Sec. Gilberto Teodoro, mangted ti dalan ti enhanced defense cooperation agreement para iti masansan a joint military drills a gagem a papigsaen ti combined operational capability ken panangpapigsa ti regional deterrence.
Kinuna met ni Australian Defense Minister Richard Marles a manamnama a mapirmaan iti baro a katulagan ita a tawen.
Supsuportaran pay ti tulagan ti panagparaamid ti defense infrastructure iti Pilipinas a plano a pagpatakderan kadagiti proyekto iti lima a lugar.
Naipakaammo iti nasao a plano kagiddan ti naisayangkat a joint military exercises iti nagbaetan dagiti personnel iti dua a pagilian iti laud ken bagatan a paset iti Pilipinas.
