Agtaltalinaed a karaman iti Pilipinas kadagiti sangapulo a worst countries para kadagiti mangmangged iti uneg ti siam nga agsasaruno a tawen kas maibasar ti 2025 ITUC Global Rights Index.
Nakastrek pay iti listaan kas 10 worst countries para kadagiti mangmangged dagiti pagilian a Bangladesh, Belarus, Ecuador, Egypt, Eswatini, Myanmar, Nigeria, Tunisia ken Turkey.
Dagiti masansan a malabsing a karbengan dagiti mangmangged ket ti karbengan nga agwelga ta 87%, makipag-collective bargaining nga 80%, ag-union a 75%, ken magun-od iti hustisya a 72%.
Kwinestyunaran pay ti Workers Rights Watch iti bileg ti Executive Order 23 ken Omnibus Guidelines a mapapati a kurang iti panangsungbat ken saan a sakup dagiti mangmangged kadagiti pampubliko a serbisyo ken informal sector.
Impaganetget ni Labor Secretary Bienvenido Laguesma nga adda ar-aramiden iti gobierno tapno solbaren dagiti daan nga isyu.
