Nakaawid iti pagilian dagiti duapulo ket dua nga overseas Filipino workers (OFWs) manipod Israel idi kalman iti baet ti agtultuloy a tensyon idiay Middle East.
Segun ti Department of Migrant Workers (DMW), karaman kadagiti nakaawid iti sangapulo ket walo a caregivers ken uppat a hotel workers a naidalyasat manipod Israel agturong idiay Egypt sakbay a naglugan iti commercial flight a nagawid iti Pilipinas babaen ti tulong ti Overseas Workers Welfare Administration (OWWA).
Pinasangbayan ida dagiti opisyal iti DMW ken OWWA, karamanen ti mangibag manipod Department of Social Welfare and Development (DSWD).
Maisagsaganan dagiti programa iti gobierno para iti reintegration-da pakairamanan ti skills training manipod TESDA, Government-to-Government overseas employment program, tulong pagkabuhayan ken medical assistance.
