VIGAN CITY– Balligi ti panangisayangkat dagiti pannakabagi iti linteg ti Buy-bust operation idiay Mabini St., Brgy. III, Vigan City.
Nakemmeg ti suspek a ni Ronnie Puzon Arce, street level individual, agtawen iti tallopulo ket pito, construction painter, surenderee, ken residente ti naso a lugar.
Iti pannaki-uman ti Bombo Radyo Vigan kenni Plt Col. Reynaldo Mendoza iti Vigan City Police Station, naaktuanda ti suspek nga aglaklako iti maysa a gramo ti mapapati a shabu nga aggatad ti Php6,800 a nakaipan ti dua a piraso ti heat-sealed transparent plastic sachets.
Nakumpiskar manipud ti suspek iti maysa a piraso ti Php1,000 a nagserbi a buy-bust money, maysa a Php50.00, maysa a papel a nangbalkutan ti mapapati a shabu, ken maysa a candy wrapper.
Segun kenni Plt Col. Mendoza, agtultuloy pay laeng iti panangduktalda no pagal-alaan ti suspek iti droga.
