--Ads--
Imbabawi ti Philippine Institute of Volcanology and Seismology (PHIVOLCS) ti tsunami advisory-da para iti minor sea-level disturbances kasaruno ti magnitude 6.5 a ginggined a timmama iti kabaybayan a sakup iti Balut Island, Davao Occidental.
Segun ti PHIVOLCS, kinunana nga awan ti nairekordda a naidumduma a panagbaliw iti lebel ti kabaybayan iti uneg iti tallo nga oras kalpasan iti ginggined.
Mapapati pay nga awan ti naawatda a report manipod kadagiti apektado a lugar maipanggep iti aniaman a saksabali a panagpangato wenno panagbaba ti danum iti kabaybayan.
Gapu dayta ket kinanselar ti PHIVOLCS ti immunan a tsunami information nga inruarda para idiay Sarangani, Davao Occidental, ken General Santos City.
-- ADVERTISEMENT --
