Impalagip ti Philippine Health Insurance Corporation wenno PhilHealth a mabalinen nga aramaten dagiti Pilipino ti benepisyoda para iti panagpaagas ti trangkaso wenno influenza ken dagiti sakit nga adda sintomas ti trangkaso wenno flu.
Segun iti PhilHealth, no adda marikna a sintomas ket insigida nga agpakita iti YAKAP Clinic-da.
Ti PhilHealth YAKAP ket primary care package tapno iduron ti panangliklik ken nasapa a pannakaduktal iti sakit tapno makatulong a maliklikan iti parikot ti pinansyal dagiti miembro kasaruno ti bilin ni Presidente Ferdinand R. Marcos Jr. a siguradoen ti maysa a nasalun-at a pagilian.
Sakup ti PhilHealth YAKAP ti konsultasyon, dagiti kasapulan nga agas, ken laboratory tests no irekomendar ti primary care physician.
Inallukoy ti PhilHealth iti amin a Pilipino nga agpili ken agpalista iti YAKAP Clinic nga asideg kadakuada tapno ma-avail dagiti primary care benefit.
Mabalin nga aramiden babaen ti eGovPH app, PhilHealth Member Portal wenno kaasitgan a PhilHealth Local Health Insurance Office (LHIO).
