--Ads--
Plano ti Philippine Health Insurance Corporation nga iraman dagiti gastos para kadagiti mairesreseta a sarming iti mata sakbay a malpas ita a tawen.
Segun ken ni Dr. Israel Francis Pargas, Philhealth senior vice president for health finance policy, maad-adalen ti pannakairaman dagiti prescription glasses kas sungbat iti kiddaw ken arungaing dagiti miembro ken agpampandaylinteg.
Maibasar iti panagadal ti World Health Organization, 50 percent iti populasyon ti lubong ket agbalin a near-sighted inton 2050.
Iti met 2018 Philippine Eye Disease Study, 1.98 percent iti populasyon ti Pilipinas ti adda visual impairment na idinto a dua a milion ti partially blind.
-- ADVERTISEMENT --
