Nagpanawagan ti Presidential Communications Office iti naing-inget a regulasyon kadagiti social media platform, panagbaliw iti community standards, ken National Media Literacy Campaign tapno labanan ti kumarkaro a parikut iti online disinformation kas paset iti kampanya ni Presidente Ferdinand Marcos Jr kontra iti fake news.
Segun ken ni PCO Secretary Jay Ruiz, masapul a madusa dagiti digital platform kadagiti linaon kadagiti iwarwarwasda a content.
Madanagan pay ni Ruiz iti panagbalin nga epektibo ti fact-checking iti kapaspas ti taray ti digital information.
Segun ken ni Ruiz, masapul a makibiang ti gobierno a mangituding kadagiti pagannurotan, kas kadagiti maar-aramid kadagiti radio ken TV station a sumursurot kadagiti pagannurotan iti Kapisanan ng mga Brodkaster ng Pilipinas ken Movie and Television Review and Classification Board.
