--Ads--
Nagballaag ti Philippine Coast Guard (PCG) kadagiti barko a liklikan ti paset ti Philippine exclusive economic zone inton August 5, 2026 gapu iti plano a panangirusat ti China iti Jielong-3 rocket.
Nakaituding ti rocket launch iti nagbaetan iti 10:29 iti bigat ken 11:04 iti bigat.
Manamnama a matinnag dagiti sumagmamano a paset ti rocket iti designated drop zone iti 174 kilometer manipod Babuyan Island ken 265 kilometers manipod Sta. Ana, Cagayan kas kinuna ti PCG maibasar iti impormasion manipod Philippine Space Agency (PhilSA).
Inallukoy ti Coast Guard District Northeastern Luzon dagiti barko a liklikan ti lugar iti launch window.
-- ADVERTISEMENT --
