Nasurok a 37,000 a pasahero ti nairekord kadagiti Puerto iti intero a pagilian iti umuna nga innem nga oras ti All Saints’ Day, Nobiembre 1, segun iti Philippine Coast Guard (PCG).
Maibasar iti PCG, adda 19,669 a pasahero a rimmuar kadagiti sangladan, idinto a 17,644 ti simmangpet manipud alas 12 ti bigat agingga alas 6 ti bigat.
Kas paset ti Oplan Biyaheng Ayos ita nga Undas 2026, nangisayangkat met ti PCG iti inspeksion kadagiti 161 a barko ken 160 a motorbanca tapno masigurado ti kinatalged dagiti barko iti kabaybayan.
Nangideploy pay ti ahensia iti 6,153 a personnel kadagiti pantalan iti intero a pagilian ken ingatoda ti alerto kadagiti distrito ken istasion da tapno masigurado ti kinatalged dagiti pasahero bayat ti manamnama nga umado dagiti agbibiahe.
