Kinondenar ti Philippine Coast Guard ti baro nga insidente ti water cannon ti China Coast Guard kadagiti dua a barko ti Bureau of Fisheries and Aquatic Resources iti asideg ti Bajo de Masinloc, Zambales – maysa nga addang nga inawagan ti PCG a panaglabsing iti linteg.
Segun ken ni PCG Spokesperson for the West Philippine Sea Commodore Jay Tarriela, napasamak daytoy iti kaadayo a 15.6 agingga 18.1 nautical miles manipud Bajo de Masinloc, a paset ti exclusive economic zone ti Pilipinas.
Bwineltaan ti PCG ti alegasyon ti CCG a mapapati a lablabsingen ti Pilipinas ti soberanya ti China.
Kinunada a ti deployment dagiti BFAR vessel ket paset iti inisyatiba ti Marcos administration a masiurado ti seguridad ken pagbiagan dagiti Pilipino a mangngalap iti West Philippine Sea.
