Indaulwan ni Presidente Ferdinand “Bongbong” Marcos Jr ti pannakaiwaras ti nakurang P80 million a financial assistance kadagiti ili idiay Cagayan a naapektaran iti bagyo Marce.
Impaima ti national government ti P10 million a gatad ti cash assistance iti kada ili ti Aparri, Buguey, Sanchez Mira, Santa Teresita, Baggao, Gattaran, Gonzaga, ken Sta. Ana nga inawat ti kada mayor ti ili.
Segun ken ni Marcos, agtultuloy ti panangipaay ti tulong ti Department of Social Welfare and Development (DSWD), Department of Labor and Employment (DOLE), ken Department of Agriculture (DA) kadagiti agindeg nga agkasapulan, kasta payen kadagiti negosyo a naapektaran met laeng iti bagyo.
Innayonna a ti Department of Public Works and Highways ken Department of Education ti mangkita kadagiti matarimaan nga imprastraktura ken pagadalan a dinadael ti bagyo.
