Namnamaen ni Presidente Ferdinand Marcos Jr a kagiddan ti panangrambak dagiti Pilipino ita a tawen iti Semana Santa, ket agtalinaedda a natibker ken sinanama uray adda dagiti karit iti biag, kas ken ni Hesukristo.
Impanawagan ni Marcos a lagipen ti publiko ti kina-manangaasi ti Dios, ita a mailagip ti panagtutuok, pannakatay, ken panagungar ni Hesukristo.
Namnamaen pay ti presidente a maipasubli dagiti Pilipino ti pigsada ita a kaduada ti pamilia ken ay-ayatenda iti biag ita a Semana Santa.
Ti Semana Santa ita a tawen ket agpatingga inton Abril 19, Sabado Glorida, ken mapasarunwan iti Domingo Sabet inton Abril 20, gundaway dagiti Katoliko a rambakan ti panagungar ni Hesus.
Iti salinong ti Proclamation 727 nga inruar ti Malakanyang, ti April 17 Huebes Santo ken April 18 Biernes Santo ket regular holiday, idinto a ti April 19 a Sabado Gloria ket maibilang nga special non-working day.
